Akkuma yaadatamu Walgahii ji’a dabre geggeeffanne irratti marii bal’aa geggeeffameen murtiiwwan adda adda dabarsuun keenya ni yaadatama.
Akkuma kanaan, murtii dabre keessaa inni guddaan haala ittiin obboloota keenyaa fi ummata keenya yeroo ammaa ajjeechaa, reebicha, hidhaa fi walumaa galatti gidiraan dhala namaa irra gahuu hin mallee hundi irra gahaa jiruuf deggersa keenya ibisnuu fi bira dhaabbannu faluu ture.
Kanaaf, ammatti hiriira nagaa guddaa magaalaa Washington DC keessatti yakka duguuggaa sanyii (genocid) murni gita bittaa bicuu TPLF ummata Oromoo irraan gahaa jiru balaaleffachuun geggeeffamuuf jedhu irratti hirmaannaa bu’a-qabeessa akka qabaannuuf marii gaafa Dilbataa Bitootessa 6, 2016 sa’aa 6:00w.b. irraa eegalee galma Jaarmiyaa Hawaasa Oromoo keessatti geggeeffamutti miseensoti WWDO fi dargaggooti Oromoo naannoo Washington, DC, MD fi VA jiraattan hundi akka irratti hirmaattan waamicha Oromummaa fi lammummaa isiniif dhiyeessina.
Bakki: Jaarmiyaa Hawaasa Oromo
6212 3rd Street, NW Washington, DC
Guyyaa: Dilbataa, Bitootessa 6, 2016
Sa’aa to: 6:00w.b.
Dargaggoon Oromoo Irree Oromiyaati!
Korea Gidduu WWDO